شیکھر کپور نے جان ابراہم کو اگلا جیمز بانڈ قرار دے دیا

بھارتی فلم ڈائریکٹر شیکھر کپور نے بالی ووڈ اداکار جان ابراہم کو اگلے جیمز بانڈ کے کردار کے لیے موزوں قرار دے دیا۔

دنیا بھر میں مقبول جاسوسی فلم سیریز James Bond کے نئے ہیرو کی تلاش جاری ہے، اور اسی دوران شیکھر کپور نے سوشل میڈیا پر جان ابراہم کی حمایت کرتے ہوئے کہا کہ ان میں ایک بہترین جیمز بانڈ بننے کی تمام صلاحیتیں موجود ہیں۔

انہوں نے کہا کہ جان ابراہم میں وہ انداز، شخصیت اور اداکاری کی مہارت پائی جاتی ہے جو جیمز بانڈ جیسے کردار کے لیے ضروری سمجھی جاتی ہے۔

شیکھر کپور نے اپنی پوسٹ میں یہ بھی انکشاف کیا کہ سابق جیمز بانڈ اداکار Daniel Craig کو ان کی فلم Elizabeth دیکھنے کے بعد جیمز بانڈ کے کردار کے لیے منتخب کیا گیا تھا۔

دوسری جانب جان ابراہم نے شیکھر کپور کی تعریف پر خوشی کا اظہار کرتے ہوئے ان کا شکریہ ادا کیا۔ انہوں نے کہا کہ یہ ان کے لیے اعزاز کی بات ہے کہ شیکھر کپور جیسے ہدایتکار نے ان پر اعتماد کا اظہار کیا۔

جان ابراہم نے مزاحیہ انداز میں یہ بھی کہا کہ وہ ابھی سے جیمز بانڈ کے انداز میں مشروب آرڈر کرنے کی مشق شروع کر سکتے ہیں۔

اداکار اس وقت اپنی آنے والی فلم Force 3 اور سابق ممبئی پولیس کمشنر Rakesh Maria کی زندگی پر بننے والی فلم کی شوٹنگ میں مصروف ہیں۔