کراچی میں مبینہ منشیات فروش خاتون “پنکی” سے متعلق کیس میں نئے انکشافات سامنے آئے ہیں۔ ذرائع کے مطابق بعض نامعلوم عناصر مبینہ طور پر ملزمہ کو تحفظ فراہم کرنے کے لیے سرگرم ہیں، جبکہ گارڈن تھانے کی سی سی ٹی وی فوٹیج بھی دستیاب نہ ہونے کا دعویٰ کیا جا رہا ہے۔
اطلاعات کے مطابق ملزمہ کو تھانے لانے اور وہاں سے روانگی کا کوئی واضح ریکارڈ موجود نہیں۔ پولیس حکام نے مؤقف اختیار کیا ہے کہ متعلقہ وقت میں بجلی نہ ہونے کے باعث سی سی ٹی وی ریکارڈنگ محفوظ نہیں ہو سکی، تاہم اس صورتحال نے کئی سوالات کو جنم دیا ہے۔
تفتیشی ذرائع کا کہنا ہے کہ مبینہ آن لائن منشیات سپلائی نیٹ ورک اب بھی سرگرم ہے، البتہ حالیہ کارروائیوں کے بعد رابطہ نمبرز تبدیل کر دیے گئے ہیں۔ مبینہ طور پر صارفین کو نئے نمبرز کے ذریعے پیغامات بھیجے گئے جن میں مختلف نرخوں پر منشیات کی دستیابی کا ذکر کیا گیا۔
ذرائع کے مطابق نیٹ ورک مالی لین دین کے لیے نئے ذرائع استعمال کرنے کی کوشش کر رہا ہے، جبکہ سابقہ اکاؤنٹس کے غیر فعال ہونے کی اطلاعات بھی سامنے آئی ہیں۔
دوسری جانب قانون نافذ کرنے والے اداروں کی جانب سے اس معاملے پر تاحال کوئی تفصیلی باضابطہ بیان جاری نہیں کیا گیا۔ سوشل میڈیا پر بھی اس کیس اور مبینہ نیٹ ورک کے حوالے سے مختلف سوالات زیرِ بحث ہیں۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔