اینڈرائیڈ پیچھے رہ گئے، ایپل نے پھر میدان مار لیا

اسمارٹ فون مارکیٹ پر نظر رکھنے والی تحقیقی کمپنی کاؤنٹر پوائنٹ ریسرچ کی تازہ رپورٹ کے مطابق 2026 کی پہلی سہ ماہی (جنوری تا مارچ) کے دوران عالمی سطح پر ایپل کے آئی فونز نے ایک بار پھر فروخت میں نمایاں برتری حاصل کی۔
رپورٹ میں بتایا گیا ہے کہ اس عرصے میں سب سے زیادہ فروخت ہونے والا اسمارٹ فون آئی فون 16 رہا، جبکہ آئی فون 17 سیریز نے بھی مارکیٹ میں مضبوط موجودگی برقرار رکھی۔ مجموعی فروخت کے لحاظ سے آئی فون 17 کا حصہ تقریباً 6 فیصد ریکارڈ کیا گیا۔
درجہ بندی میں آئی فون 17 پرو میکس دوسرے اور آئی فون 17 پرو تیسرے نمبر پر رہے۔ اس کے بعد جنوبی کورین کمپنی کے دو ماڈلز—گلیکسی اے 07 فور جی اور گلیکسی اے 7 فائیو جی—بالترتیب چوتھے اور پانچویں نمبر پر آئے۔ چھٹے نمبر پر بھی ایپل کا آئی فون 16 شامل رہا، جو پچھلے سال کا سب سے زیادہ فروخت ہونے والا فون تھا۔
رپورٹ میں یہ بھی کہا گیا ہے کہ مہنگائی اور صارفین کی محدود قوتِ خرید کے باوجود آئی فونز کی مانگ برقرار ہے۔ ساتھ ہی اجزاء کی قیمتوں میں اضافہ اور ریم کی عالمی قلت کی وجہ سے اسمارٹ فون انڈسٹری پر دباؤ بڑھ رہا ہے، جس کے باعث آنے والے وقت میں قیمتوں میں مزید اضافہ دیکھنے کا امکان ہے۔
اعداد و شمار کے مطابق 2025 میں بھی دنیا بھر میں سب سے زیادہ فروخت ہونے والے فونز میں آئی فون ماڈلز نے برتری حاصل کی تھی، جس سے ایپل کی مارکیٹ میں مضبوط پوزیشن مسلسل برقرار نظر آتی ہے۔