وفاقی دارالحکومت میں ٹریفک کے نظام کو مزید جدید اور مؤثر بنانے کے لیے اسلام آباد ٹریفک پولیس کی یونیفارم تبدیل کرنے کا فیصلہ کیا گیا ہے۔ ذرائع کے مطابق نئی وردی کا ڈیزائن کالے اور گرے رنگوں پر مشتمل ہوگا، جسے مرحلہ وار نافذ کیا جائے گا۔
پہلے مرحلے میں دفاتر میں تعینات عملے کو نئی یونیفارم فراہم کی جائے گی، جبکہ دوسرے مرحلے میں فیلڈ میں ڈیوٹی انجام دینے والے اہلکاروں کی وردی تبدیل کی جائے گی۔
اس کے ساتھ ساتھ ٹریفک پولیس کے لیے جدید سہولیات متعارف کرانے کا بھی فیصلہ کیا گیا ہے۔ اس سلسلے میں الیکٹرک ایس یو وی گاڑیاں شامل کی جا رہی ہیں جو جدید ٹیکنالوجی سے لیس ہوں گی اور ٹریفک کنٹرول میں مدد دیں گی۔
ذرائع کے مطابق یہ الیکٹرک گاڑیاں چینی کمپنی کی تیار کردہ ہیں اور توقع ہے کہ عید کے موقع پر انہیں اسلام آباد کی مختلف شاہراہوں پر تعینات کیا جائے گا تاکہ ٹریفک کی روانی بہتر ہو اور شہریوں کو سفری سہولت میں اضافہ مل سکے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔