پاکستان انٹرنیشنل ائیر لائنز (پی آئی اے) نے سعودی عرب کی نئی فضائی کمپنی ریاض ائیر کے ساتھ ایک اہم کارگو معاہدے پر دستخط کیے ہیں۔
پی آئی اے کے ترجمان کے مطابق، اس معاہدے کے تحت کارگو پاکستان اور لندن سے ریاض لایا جائے گا، جہاں سے دونوں ایئر لائنز کے نیٹ ورک کے ذریعے سامان اپنے حتمی مقامات تک پہنچایا جائے گا۔
ترجمان نے بتایا کہ یہ معاہدہ 29 اکتوبر سے باقاعدہ نافذ العمل ہے اور اس کا مقصد پی آئی اے کے کارگو آپریشن کو وسعت دینا اور ادارے کے ریونیو میں اضافہ کرنا ہے۔
پی آئی اے ترجمان نے مزید کہا کہ یہ معاہدہ فضائی کارگو کی بڑھتی ہوئی عالمی مانگ کو پورا کرنے میں اہم کردار ادا کرے گا اور ادارے کی مضبوط کاروباری حکمت عملی کا حصہ ہے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔