غزہ امن عمل میں پیش رفت، ٹرمپ نے دوسرے مرحلے کے آغاز کا اعلان کر دیا

امریکہ کے سابق صدر ڈونلڈ ٹرمپ نے غزہ میں جاری امن معاہدے کے دوسرے مرحلے کے آغاز کا اعلان کیا ہے۔ ٹرمپ کے مطابق حماس کی قید سے 20 یرغمالیوں کی رہائی عمل میں آ چکی ہے، جنہیں اچھی صحت کے ساتھ واپس لایا گیا ہے۔ انہوں نے اسے ایک بڑی پیش رفت قرار دیا، تاہم واضح کیا کہ ابھی بہت سا کام باقی ہے۔

ٹرمپ کا کہنا تھا کہ حماس نے وعدے کے باوجود تمام ہلاک یرغمالیوں کی لاشیں اسرائیل کے حوالے نہیں کیں۔ اس حوالے سے مزید اقدامات درکار ہیں۔

ادھر حماس کی جانب سے معاہدے پر عمل درآمد جاری ہے، اور تازہ ترین اطلاعات کے مطابق مزید 4 ہلاک یرغمالیوں کی لاشیں ریڈ کراس کے ذریعے اسرائیل کو فراہم کر دی گئی ہیں۔ گزشتہ روز بھی 4 لاشیں اسرائیل کے حوالے کی گئی تھیں۔

اب تک حماس 20 زندہ اور 8 ہلاک یرغمالیوں کو اسرائیل کے سپرد کر چکا ہے، جبکہ مزید 20 ہلاک یرغمالیوں کی لاشیں اس کے پاس موجود ہیں۔ ان کی حوالگی کا عمل مرحلہ وار مکمل کیا جائے گا۔