اسکول ٹیچر کی کلاس روم میں طالب علم سے شادی سوشل میڈیا پر وائرل

ہاٹ لائن نیوز : ہندوستانی شہر کلکتہ میں ، ایک حیرت انگیز اور انوکھا واقعہ پیش آیا جہاں ایک خاتون پروفیسر نے کلاس روم میں اپنےطالب علم سے شادی کی۔ اس واقعے کی ویڈیو سوشل میڈیا پر تیزی سے وائرل ہوتی جارہی ہے اور ہر جگہ حیرت اور بحث کا موضوع ہے۔

ہندوستانی میڈیا رپورٹس کے مطابق یہ معاملہ مغربی بنگال میں واقع مولانا ابوالکلام آزاد یونیورسٹی آف ٹکنالوجی میں ہوا۔ وائرل ویڈیو میں ، یہ دیکھا جاسکتا ہے کہ دلہن کے لباس میں ملبوس پروفیسر اپنے طالب علم کے ساتھ شادی کی روایتی رسومات پیش کررہی ہے۔ طالب علم نے اس عورت کی مانگ بھری اورہارپہنائے۔کلاس روم میں موجود دوسرے طلباء بھی منظر کو دیکھ رہے تھے اور کچھ نے اپنی خوشی کا اظہار کیا۔

جیسے جیسے یہ ویڈیو منظر عام پر آیا ، سوشل میڈیا پر بحث کو جنم دیا گیا۔ کچھ صارفین نے اسے عجیب اور غیر اخلاقی قرار دیا ، جبکہ کچھ لوگوں نے اسے صرف ایک فنکارانہ مظاہرہ سمجھا۔ یونیورسٹی میں اس قسم کی سرگرمی پر تنقید کی جارہی ہے ، اور بہت سے لوگوں کا کہنا ہے کہ تعلیمی ادارے میں اسطرح کا واقعہ ناقابل قبول ہے۔