ہاٹ لائن نیوز : لاہور ہائیکورٹ نے عمر قید کے تین ملزمان کو بری کر دیا ، انسداد دہشتگری عدالت نے تینوں ملزمان کو عمر قید کی سزا سنائی تھی ۔
جسٹس عالیہ نیلم نے ملزمان رحمان صدیق، محمد بلال، عبید الرحمان کی اپیل پر سماعت کی ۔ملزمان کی جانب سے پیر مسعود چستی عدالت میں پیش ہوئے ۔
یاد رہے کہ ملزمان کے خلاف 2019 میں تھانہ کوتوالی، سیالکوٹ میں مقدمہ درج ہوا تھا ، ملزمان پر اغوا برائے تاوان اور قتل کا الزام تھا ، ملزمان کے خلاف پراسکیوشن کی جانب کیس کو مکمل کیا گیا ، انسداددہشت گردی عدالت نے ملزمان پر جرم ثابت ہونے پر عمر قید کا حکم دیا ۔
لاہور ہائیکورٹ میں تینوں ملزمان کی جانب سے اپیلیں دائر کر رکھی تھی ، آج عدالت نے ملزمان کے وکلاء کے دلائل مکمل ہونے پر فیصلہ سنا دیا ، لاہور ہائیکورٹ نے ملزمان کی سزاوں کو کلعدم قرار دے دیاہے ۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔