ہاٹ لائن نیوز : خدیجہ شاہ کی آئی جی پنجاب کے خلاف توہین عدالت کی درخواست پر سماعت ہوئی ۔
عدالت نے استفسار کیا کہ کیا آئی جی صاحب کا جواب آگیا ہے ؟
سرکاری وکیل نے عدالت کو بتایا کہ 10 تاریخ کو چھٹی تھی جس کے باعث جواب جمع نہیں ہوسکا
خدیجہ شاہ کے وکیل نے کہا کہ خدیجہ شاہ کو ایف آئی اے نے بھی گرفتار کیا جس میں ضمانت ہوچکی ہے ،تفتیشی افسر اے ٹی سی کے مقدمے میں ریکارڈ عدالت میں پیش نہیں کر رہے ۔
عدالت نے پراسکیوٹر کو روسٹرم پر بلا لیا اور استفسار کیا کہ پراسکیوٹر صاحب کیا یہ درست ہے کہ چار مرتبہ اے ٹی سی میں ریکارڈ پیش نہیں کیا گیا ، پراسکیوٹر صاحب یہ کیا ہورہا ہے ،آپ کی زمہ داری ہے ریکارڈ پیش کریں تاخیری حربے کیوں استعمال کر رہے ہیں ، آپ فوری طور ریکارڈ سے متعلق ہدایت لیکر ہمیں آگاہ کریں ۔
عدالت نے سماعت کو 24 نومبر تک ملتوی کردیا ۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔