سیالکوٹ: سوشل میڈیا ٹک ٹاکر مسٹر پتلو کی مہندی کی تقریب کے دوران سیالکوٹ اسپورٹس اسٹیڈیم میں بھگدڑ مچنے سے ایک شخص جاں بحق جبکہ 13 افراد زخمی ہوگئے۔
تفصیلات کے مطابق تقریب کے دوران ایک انعامی سرگرمی کے موقع پر اسٹیڈیم کے داخلی دروازے مقررہ وقت سے قبل کھول دیے گئے، جس کے بعد وہاں موجود افراد میں اچانک افراتفری پھیل گئی اور بھگدڑ مچ گئی۔
ریسکیو حکام کے مطابق واقعے میں زخمی ہونے والے 13 افراد کو فوری طور پر طبی امداد کے لیے اسپتال منتقل کیا گیا۔ زخمیوں میں شامل 30 سالہ عقیل دورانِ منتقلی زخموں کی تاب نہ لاتے ہوئے دم توڑ گیا۔
واقعے کا نوٹس لیتے ہوئے پولیس نے بھگدڑ کے حوالے سے مقدمہ درج کرلیا ہے۔ مقدمے میں ٹک ٹاکر مسٹر پتلو سمیت 9 افراد کو نامزد کیا گیا ہے، جبکہ 40 سے 45 نامعلوم افراد کو بھی شامل کیا گیا ہے۔
پولیس کے مطابق واقعے میں مبینہ طور پر ملوث 6 افراد کو گرفتار کرلیا گیا ہے، جبکہ واقعے کی مزید تحقیقات جاری ہیں۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔