ہانگ کانگ: ہانگ کانگ سکسز کرکٹ ٹورنامنٹ میں پاکستان اور بھارت کی ٹیمیں ٹائٹل جیتنے کی دوڑ سے باہر ہوگئیں، جبکہ متحدہ عرب امارات نے شاندار کارکردگی کا مظاہرہ کرتے ہوئے اگلے مرحلے میں جگہ بنا لی۔
ٹورنامنٹ کے دوسرے روز متحدہ عرب امارات نے بھارت کو 6 وکٹوں سے شکست دے کر ایونٹ سے باہر کردیا۔ اس شکست کے بعد بھارتی ٹیم گروپ میں آخری پوزیشن پر رہی۔
دوسری جانب گزشتہ ایونٹ کی فاتح پاکستانی ٹیم بھی اپنے اعزاز کا دفاع کرنے میں ناکام رہی۔ پاکستان نے گروپ مرحلے میں دوسری پوزیشن حاصل کی، تاہم اس کے باوجود اگلے مرحلے تک رسائی حاصل نہ کرسکا۔
پاکستان کو ٹورنامنٹ کے پہلے روز متحدہ عرب امارات کے خلاف شکست کا سامنا کرنا پڑا تھا، جبکہ دوسرے میچ میں قومی ٹیم نے بھارت کو 4 وکٹوں سے ہرا کر کامیابی حاصل کی۔
تاہم بھارت کے خلاف فتح بھی پاکستان کے لیے اگلے مرحلے میں جگہ بنانے کے لیے کافی ثابت نہ ہوئی۔
یوں ہانگ کانگ سکسز میں پاکستان اور بھارت دونوں ٹیموں کا سفر اختتام پذیر ہوگیا، جبکہ متحدہ عرب امارات کی ٹیم اگلے مرحلے میں پہنچنے میں کامیاب رہی۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔