لاہور: پاکستان کرکٹ بورڈ (پی سی بی) نے قومی مینز کرکٹ ٹیم کے لیے نئے بولنگ کوچ کی تقرری کا عمل شروع کرتے ہوئے امیدواروں سے درخواستیں طلب کرلی ہیں۔
پی سی بی کی جانب سے جاری اشتہار کے مطابق امیدوار کے پاس لیول تھری کرکٹ کوچنگ ایکریڈیٹیشن ہونا ضروری ہے، جبکہ متعلقہ شعبے میں کم از کم پانچ سالہ تجربہ بھی درکار ہوگا۔
خواہشمند امیدوار 8 اکتوبر تک اپنی درخواستیں جمع کراسکتے ہیں۔
ذرائع کے مطابق قومی ٹیم کے وائٹ بال بولنگ کوچ ایشلے نوفکی نے اپنے عہدے سے الگ ہونے کا فیصلہ کیا ہے۔ انہوں نے بورڈ کو اپنی ذمہ داریوں سے دستبرداری کے فیصلے سے آگاہ کردیا تھا۔
ذرائع کا کہنا ہے کہ ایشلے نوفکی کی ذمہ داریوں کے دوران ایشین گیمز ان کی آخری سیریز ہوگی، جس کے بعد پی سی بی نئے بولنگ کوچ کی تقرری کرے گا۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔