برمنگھم: انگلینڈ نے پاکستان کو تیسرے ٹیسٹ میں 8 وکٹوں سے شکست دے کر تین میچز کی سیریز میں کلین سویپ مکمل کرلیا۔
برمنگھم میں جاری تیسرے ٹیسٹ کے چوتھے روز انگلینڈ کو کامیابی کے لیے 130 رنز کا ہدف ملا، جس کے تعاقب میں میزبان ٹیم کا آغاز محتاط انداز میں ہوا۔
پاکستانی فاسٹ بولر محمد عباس نے ابتدائی مرحلے میں دو اہم وکٹیں حاصل کرکے انگلینڈ پر دباؤ بڑھایا، تاہم بعد ازاں انگلش بیٹرز نے صورتحال پر قابو پالیا۔
جورڈن کوکس نے 59 جبکہ کپتان جو روٹ نے 62 رنز کی ناقابل شکست اننگز کھیل کر ٹیم کو ہدف تک پہنچایا۔ انگلینڈ نے 2 وکٹوں کے نقصان پر 130 رنز مکمل کیے اور میچ اپنے نام کرلیا۔
اس کامیابی کے ساتھ انگلینڈ نے پاکستان کے خلاف اپنی سرزمین پر پہلی مرتبہ ٹیسٹ سیریز میں وائٹ واش کیا ہے۔
میچ کی پہلی اننگز میں پاکستان کی ٹیم 133 رنز پر آؤٹ ہوئی تھی، جس کے جواب میں انگلینڈ نے 453 رنز بنا کر 320 رنز کی برتری حاصل کی۔ پاکستان نے دوسری اننگز میں بہتر مزاحمت کرتے ہوئے 449 رنز بنائے اور انگلینڈ کو 130 رنز کا ہدف دیا، تاہم میزبان ٹیم نے اسے باآسانی حاصل کرلیا۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔