کوسوو کی پارلیمنٹ میں ہنگامہ، اپوزیشن رکن نے قائم مقام وزیراعظم پر انڈے برسا دیے
کوسوو: پارلیمنٹ کے اجلاس کے دوران اپوزیشن کی خاتون رکن اسمبلی نے قائم مقام وزیراعظم البین کُرتی کے خلاف انوکھے انداز میں احتجاج کرتے ہوئے ان پر انڈے پھینک دیے۔
غیر ملکی میڈیا رپورٹس کے مطابق واقعہ کوسوو کی پارلیمنٹ میں پیش آیا، جہاں اپوزیشن سے تعلق رکھنے والی رکن اسمبلی ٹائم کادریجاج نے قائم مقام وزیراعظم البین کُرتی کی جانب چار انڈے اچھالے۔ اس دوران انہوں نے احتجاجی نعرے بھی بلند کیے۔
رپورٹس کے مطابق کُرتی پارلیمنٹ کے اسپیکر کے انتخاب کے معاملے پر مزید مہلت چاہتے تھے۔ کوسوو میں جون کے عام انتخابات کے بعد سے پارلیمانی اسپیکر کا انتخاب تاحال نہیں ہو سکا، جس کے باعث ملک میں سیاسی کشیدگی برقرار ہے۔
اپوزیشن جماعتوں نے مؤقف اختیار کیا ہے کہ آئینی عدالت کی جانب سے مقرر کردہ مدت ختم ہو چکی ہے، اس لیے پارلیمنٹ کا موجودہ اجلاس آئینی تقاضوں کے مطابق نہیں۔
اسپیکر کے انتخاب میں تاخیر کے معاملے پر حکومت اور اپوزیشن کے درمیان اختلافات کے باعث کوسوو کی سیاسی صورتحال بدستور غیر یقینی کا شکار ہے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔