پاک افغان سرحد کے چمن سیکٹر میں کشیدگی کی صورتحال ایک بار پھر بڑھ گئی ہے۔ سیکیورٹی ذرائع کے مطابق افغان طالبان اور بعض مسلح عناصر کی جانب سے مبینہ فائرنگ کے بعد پاک فوج نے فوری اور بھرپور ردعمل دیا ہے۔
ذرائع کا کہنا ہے کہ پاک فوج نے مؤثر کارروائی کرتے ہوئے سرحد پار موجود بعض دفاعی ٹھکانوں کو نشانہ بنایا، جس کے نتیجے میں متعدد پوزیشنز کو نقصان پہنچا۔
اطلاعات کے مطابق اس کارروائی میں کچھ عسکری تنصیبات اور گاڑیوں کو بھی نقصان پہنچا ہے۔ سیکیورٹی حکام کے مطابق کارروائی کا مقصد سرحدی علاقوں میں امن و استحکام برقرار رکھنا اور کسی بھی ممکنہ جارحیت کا بروقت جواب دینا تھا۔
حکام نے بتایا ہے کہ سیکیورٹی فورسز صورتحال پر مکمل نظر رکھے ہوئے ہیں اور سرحدی نگرانی مزید سخت کر دی گئی ہے۔ مزید کہا گیا ہے کہ ملک کی سرحدوں کے تحفظ کے لیے تمام ضروری اقدامات جاری رہیں گے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔