چاندپرنیوکلیئر ری ایکٹر لگانےکا منصوبہ سامنےآگیا

ہاٹ لائن نیوز : امریکی خلائی ادارے ناسا نے مستقبل کے خلائی مشنز کو سہولت فراہم کرنے کے لیے چاند پر نیوکلیئر ری ایکٹر نصب کرنے کا منصوبہ پیش کیا ہے۔

فِشن سرفیس پاور پروجیکٹ کے نام سے جانا جانے والا یہ پروجیکٹ ناسا کے لیے آرٹیمس پروگرام کے حوالے سے بہت اہمیت کا حامل ہے۔ یہ منصوبہ چاند پر کسی بھی حالات سے متاثر ہوئے بغیر وافر مقدار میں مسلسل توانائی فراہم کر سکتا ہے۔

یہ منصوبہ چاند پر طویل المدتی انسانی بستیوں کے قیام میں اہم کردار ادا کر سکتا ہے اور مستقبل میں خلائی تحقیق کو آگے بڑھانے میں بھی مدد کر سکتا ہے۔

ٹھیکے ناسا کی طرف سے لاک ہیڈ مارٹن، ویسٹنگ ہاؤس اور آئی ایکس کو دیے گئے تھے۔ ہر معاہدہ 12 ماہ کی مدت کا احاطہ کرتا ہے جس کے دوران کمپنیاں ابتدائی ڈیزائن تیار کریں گی۔

ان ڈیزائنوں میں ری ایکٹر، اس کی پاور کنورژن، ہیٹ ریجیکشن، پاور مینجمنٹ ، ڈسٹری بیوشن سسٹم شامل ہونا چاہیے۔

ناسا ان ایٹمی ری ایکٹرز کو چاند کے مستقل تاریک علاقوں میں روشنی اور توانائی پیدا کرنے کے لیے استعمال کر سکتا ہے۔