پاکستان سپر لیگ (پی ایس ایل) کے گیارہویں ایڈیشن کے فائنل میچ کے حوالے سے اہم فیصلہ کیا گیا ہے جس کے تحت شائقین کو اسٹیڈیم میں جا کر میچ دیکھنے کی اجازت دے دی گئی ہے۔
ذرائع کے مطابق یہ فیصلہ وزیراعظم شہباز شریف کی منظوری سے کیا گیا ہے، جس کے بعد 3 مئی کو لاہور میں ہونے والے فائنل میچ میں تماشائی اسٹیڈیم میں موجود ہوں گے۔
پاکستان کرکٹ بورڈ (پی سی بی) کے چیئرمین محسن نقوی نے بتایا کہ انہوں نے وزیراعظم سے درخواست کی تھی کہ فائنل کو شائقین کی موجودگی میں منعقد کرنے کی اجازت دی جائے۔ ان کے مطابق یہ درخواست فرنچائز مالکان کی خواہش پر بھی کی گئی تھی تاکہ اہم میچ کو عوامی جوش و خروش کے ساتھ کرایا جا سکے۔
پی سی بی چیئرمین نے اس فیصلے پر وزیراعظم کا شکریہ ادا کرتے ہوئے کہا کہ شائقین کی واپسی سے میچ کا ماحول مزید پرجوش اور یادگار بنے گا۔
واضح رہے کہ کفایت شعاری پالیسی کے تحت رواں سیزن میں پی ایس ایل کے بیشتر میچز بغیر تماشائیوں کے منعقد کیے گئے تھے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔