اسلام آباد: وزیراعظم شہباز شریف نے اپوزیشن کو ایک مرتبہ پھر مذاکرات کی پیشکش کرتے ہوئے کہا ہے کہ حکومت بات چیت کے لیے تیار ہے، تاہم مذاکرات کی کامیابی کے لیے دونوں جانب سے آمادگی ضروری ہے۔
وفاقی کابینہ کے اجلاس سے خطاب میں وزیراعظم نے ڈیزل کی قیمت میں فی لیٹر 32 روپے کمی کو عوام کے لیے مثبت پیش رفت قرار دیا اور اس سلسلے میں وزارتِ پیٹرولیم کی کوششوں کو سراہا۔
شہباز شریف نے کہا کہ خطے کی موجودہ صورتحال کے باعث کئی ممالک میں ریفائنریز اور گیس پلانٹس متاثر ہوئے ہیں، جس کے اثرات پاکستان پر بھی پڑ رہے ہیں۔ حکومت نے مشکل معاشی حالات میں عوام کو ریلیف فراہم کرنے کے لیے 128 ارب روپے مختص کیے ہیں۔
وزیراعظم کا کہنا تھا کہ حکومت اپوزیشن کے ساتھ مذاکرات کے لیے سنجیدہ ہے، تاہم اب یہ اپوزیشن پر منحصر ہے کہ وہ کب مذاکرات کی میز پر آنے کے لیے آمادگی ظاہر کرتی ہے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔