کوئٹہ: وزیراعظم میاں شہباز شریف 1 روزہ سرکاری دورے پر کوئٹہ پہنچ گئےہیں، جہاں وہ بلوچستان کی سکیورٹی اور امن و امان کی صورت حال سے متعلق اعلیٰ سطحی ایپکس کمیٹی کےاجلاس کی صدارت کرینگے۔
کوئٹہ ایئرپورٹ پر وزیراعظم کا استقبال گورنر بلوچستان جعفر خان مندوخیل، وزیراعلیٰ میر سرفراز بگٹی، چیف سیکرٹری، انسپکٹر جنرل پولیس اور دیگر اعلیٰ حکام نے کیا۔ وفاقی کابینہ کے چند ارکان بھی وزیراعظم کے ہمراہ موجود ہیں۔
ذرائع کے مطابق اجلاس میں سول اور عسکری قیادت شرکت کرے گی، جبکہ وزیراعظم کو صوبے میں جاری انسدادِ دہشت گردی کارروائیوں، سکیورٹی انتظامات اور مجموعی امن و امان کی صورتحال پر تفصیلی بریفنگ دی جائے گی۔
اجلاس کے دوران بلوچستان میں امن کے قیام، دہشت گردی کے خلاف اقدامات، سکیورٹی حکمتِ عملی اور دیگر اہم معاملات کا جائزہ لیا جائے گا۔ ذرائع کا کہنا ہے کہ اجلاس میں اہم پالیسی فیصلے بھی متوقع ہیں۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔