نوشکی کے مضافاتی علاقے میں سکیورٹی فورسز نے خفیہ اطلاع پر کارروائی کرتے ہوئے دہشت گردی کی بڑی کوشش کو ناکام بنا دیا۔
ذرائع کے مطابق قانون نافذ کرنے والے اداروں کو معلومات ملی تھیں کہ ایک کالعدم تنظیم سے وابستہ مسلح افراد علاقے میں موجود ہیں اور کسی بڑے حملے کی تیاری کر رہے ہیں۔ اس اطلاع پر سکیورٹی فورسز نے فوری طور پر علاقے کو گھیرے میں لے کر ٹارگٹڈ آپریشن شروع کیا۔
آپریشن کے دوران دہشت گردوں نے فورسز پر فائرنگ کی، جس پر بھرپور جوابی کارروائی کی گئی۔ فائرنگ کے تبادلے میں پانچ اہم دہشت گرد کمانڈرز مارے گئے۔
سکیورٹی ذرائع کا کہنا ہے کہ کارروائی کے بعد علاقے کو مکمل طور پر کلیئر کر دیا گیا جبکہ دہشت گردوں کے ٹھکانے سے اسلحہ، راکٹ لانچر، دھماکہ خیز مواد اور مواصلاتی آلات بھی برآمد کیے گئے۔
حکام کے مطابق ہلاک ہونے والے افراد سکیورٹی فورسز اور قانون نافذ کرنے والے اداروں پر متعدد حملوں میں ملوث رہے ہیں۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔