ملک میں سونے کی قیمت میں ایک بار پھر کمی ریکارڈ کی گئی ہے۔ مقامی صرافہ بازار میں فی تولہ سونا 500 روپے سستا ہوکر 4 لاکھ 59 ہزار 936 روپے کا ہوگیا۔
آل پاکستان صرافہ جیمز اینڈ جیولرز ایسوسی ایشن کے مطابق 10 گرام سونے کی قیمت میں بھی 429 روپے کمی ہوئی، جس کے بعد اس کی قیمت 3 لاکھ 94 ہزار 320 روپے پر آگئی۔
عالمی مارکیٹ میں بھی سونے کے نرخ میں کمی دیکھی گئی۔ عالمی سطح پر سونے کی قیمت 5 ڈالر کم ہوکر 4 ہزار 375 ڈالر فی اونس ہوگئی۔
ماہرین کے مطابق عالمی مارکیٹ میں سونے کی قیمت، پاکستانی روپے کی قدر اور بین الاقوامی معاشی حالات مقامی صرافہ بازار میں نرخوں کے تعین میں اہم کردار ادا کرتے ہیں۔ اسی لیے آئندہ دنوں میں عالمی رجحان کے مطابق سونے کی قیمت میں مزید کمی یا اضافہ ہوسکتا ہے۔
ادھر ایران اور امریکا کے درمیان کشیدگی کے باعث عالمی منڈی میں تیل کی قیمتیں بھی بڑھ رہی ہیں، جس سے پاکستان میں پیٹرول اور ڈیزل مہنگا ہونے کے خدشات پیدا ہوگئے ہیں۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔