سونے کی قیمتوں میں دوبارہ اضافہ، مقامی و عالمی مارکیٹ میں نرخ بلند

ملک بھر میں سونے کی قیمتوں میں ایک بار پھر اضافہ ریکارڈ کیا گیا ہے، جس کے بعد مقامی اور عالمی دونوں مارکیٹوں میں سونے کے نرخ بلند سطح پر پہنچ گئے ہیں۔
تازہ اعداد و شمار کے مطابق مقامی بازار میں فی تولہ سونے کی قیمت میں 1,523 روپے کا اضافہ ہوا، جس کے بعد نئی قیمت 469,285 روپے فی تولہ ہو گئی۔ اسی طرح 10 گرام سونے کی قیمت 1,305 روپے بڑھنے کے بعد 402,335 روپے تک پہنچ گئی۔
عالمی منڈی میں بھی سونے کی قیمتوں میں اضافہ دیکھا گیا، جہاں فی اونس سونا 14 ڈالر مہنگا ہو کر 4,468 ڈالر پر ٹریڈ ہونے لگا۔
ماہرین کا کہنا ہے کہ عالمی سطح پر سونے کی قیمتوں میں ہونے والی تبدیلیاں براہِ راست مقامی مارکیٹ پر اثر انداز ہوتی ہیں، جس کے باعث پاکستان میں سونے کے نرخوں میں روزانہ کی بنیاد پر ردوبدل دیکھنے میں آتا ہے۔
یاد رہے کہ اس سے قبل مقامی مارکیٹ میں سونے کی قیمت میں نمایاں کمی ریکارڈ کی گئی تھی اور فی تولہ سونا 8,600 روپے سستا ہوا تھا، تاہم حالیہ اضافے کے بعد قیمتیں دوبارہ بڑھنے لگی ہیں۔