سابق وزیراعظم کی قسمت کافیصلہ موخر
ہاٹ لائن نیوز : لاہور کی احتساب عدالت نے شہباز شریف سمیت دیگر کے خلاف آشیانہ ریفرنس میں بریت کی درخواستوں پر فیصلہ موخر کر دیا ، عدالت نے آئندہ سماعت پر سپریم کورٹ کے فیصلے کی روشنی میں وکلا کو معاونت کے لیے طلب کر لیا ۔
احتساب عدالت کے جج نے آشیانہ ریفرنس میں شہباز شریف ، فواد حسن فواد اور احمد چیمہ سمیت دیگر کی بریت کی درخواستوں پر محفوظ فیصلہ سنانا تھا۔
لیکن احتساب عدالت کے جج نے ریمارکس دئیے سپریم کورٹ نے احتساب عدالتوں کو حتمی فیصلہ کرنے سے روک رکھا ہے ۔
ہم سپریم کورٹ کے حکم کے پابند ہیں۔ ملزمان کے وکلا نے کہا کہ ہم سپریم کورٹ کے فیصلے کی کاپی پیش کر دیتے ہیں اس سے معاملہ کلئیر ہو جائے گا ، نیب کے وکیل نے دلائل دیا کہ یہ کیس میرٹ پر سنا گیا ہے سپریم کورٹ کا فیصلہ اس کیس پر اثر انداز نہیں ہوتا ۔
فریقین وکلاء کو سننے کے بعد احتساب عدالت نے شہباز شریف سمیت دیگر کی بریت کی درخواستوں پر مزید معاونت مانگ لی اور کاروائی اٹھارہ نومبر تک ملتوی کر دی ۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔
