پرتگال کے اسٹار فٹبالر کرسٹیانو رونالڈو نے تصدیق کی ہے کہ فیفا ورلڈکپ 2026 ان کے کیریئر کا آخری عالمی ٹورنامنٹ ہوگا۔
اسپین کے خلاف پری کوارٹر فائنل سے قبل میڈیا سے گفتگو کرتے ہوئے رونالڈو نے کہا کہ وہ اس ورلڈکپ کے ہر لمحے سے لطف اندوز ہونا چاہتے ہیں اور امید رکھتے ہیں کہ ان کا سفر زیادہ سے زیادہ آگے تک جاری رہے۔
41 سالہ فٹبالر کا کہنا تھا کہ جب بھی بین الاقوامی فٹبال سے ریٹائرمنٹ کا وقت آئے گا، وہ مکمل اطمینان کے ساتھ یہ فیصلہ کریں گے کیونکہ انہوں نے اپنے ملک اور کھیل کے لیے اپنی بھرپور صلاحیتوں کے مطابق خدمات انجام دی ہیں۔
انہوں نے کہا کہ وہ صرف کھیل سے محبت اور جذبے کی خاطر میدان میں اترتے ہیں اور انہیں مزید کسی چیز کو ثابت کرنے کی ضرورت محسوس نہیں ہوتی۔
رونالڈو ورلڈکپ 2026 میں اب تک تین گول اسکور کر چکے ہیں۔ گروپ مرحلے میں ازبکستان کے خلاف دو گول کرکے وہ ورلڈکپ کے چھ مختلف ایڈیشنز میں گول کرنے والے پہلے فٹبالر بنے، جبکہ کروشیا کے خلاف ناک آؤٹ مرحلے میں پنالٹی پر اپنے کیریئر کا پہلا ورلڈکپ ناک آؤٹ گول بھی کیا۔
انہوں نے اس ورلڈکپ کو اپنے کیریئر کا جذباتی طور پر یادگار ترین عالمی ایونٹ قرار دیتے ہوئے کہا کہ تنقید نے ہمیشہ انہیں سیکھنے اور بہتر کھلاڑی و انسان بننے میں مدد دی ہے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔