ہاٹ لائن نیوز : 6ججز کے خط کی تحقیقات کے لیے سپریم کورٹ کے تین حاضر سروس ججز پر مشتمل کمیشن تشکیل دینے کے لیے درخواست دائر کی گئی ہے،درخواست سینئیر وکیل اعتزاز احسن کی جانب سے سپریم کورٹ لاہور رجسٹری میں دائر کی گئی ہے،درخواست میں وزارت دفاع اور وزارت قانون کو فریق بنایا گیا ہے۔
درخواست میں موقف اختیار کیا گیا ہے کہ 25 مارچ کو اسلام آباد ہائیکورٹ کے چھ ججز کی جانب سے سپریم جوڈیشل کونسل کو ایک خط لکھا گیا، ججز کا کورٹ آف کنڈکٹ عدالت کے کام میں مداخلت کے بارے میں رہنمائی فراہم نہیں کرتا، ججز نے خط میں لکھا ہے کہ کیا ججز کو ڈرانا خفیہ اداروں کی پالیسی ہے؟
عدالت سے استدعا ہے کہ جسٹس (ر) شوکت صدیقی اور ججز کے خط کو خفیہ اداروں کی جانب سے عدالتی فیصلوں پر اثر انداز ہونے کا ثبوت تسلیم کیا جائے، غیر قانونی سرگرمیوں میں ملوث خفیہ اداروں کے افراد کا تعین کرنے کے لئے سپریم کورٹ کے تین ججز پر مشتمل کمیشن قائم کیا جائے، وفاقی حکومت ایسی غیر قانونی سرگرمیوں میں ملوث تمام افراد کو نوکری سے بر طرف کرنے کا حکم دے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔
