ایلون مسک یونیورسٹی قائم کریں گے

ہاٹ لائن نیوز : دنیا کے امیر ترین افراد میں سے ایک ایلون مسک نے اپنی یونیورسٹی کھولنے کی خواہش کا اظہار کیا ہے جس کے لیے انہوں نے 100 ملین ڈالر کا فنڈ مختص کیا ہے۔

عالمی خبر رساں ادارے کے مطابق اسپیس ایکس اور ٹیسلا جیسی کامیاب کمپنیوں کے مالک ایلون مسک ایک نئے منصوبے پر عمل درآمد کرنے جا رہے ہیں۔

ایلون مسک ایک یونیورسٹی قائم کرنے جا رہے ہیں جہاں ذہین طلباء کے لیے تعلیم حاصل کرنے میں پیسہ رکاوٹ نہیں ہے۔ ابتدائی مرحلے میں وہ امریکی ریاست ٹیکساس میں اسکول کھولیں گے۔

اس اسکول کا نصاب جہاں روایتی مضامین کا احاطہ کرے گا، وہیں اس میں تدریس کے غیر روایتی طریقے بھی شامل ہوں گے۔ اس سکول کو بعد میں یونیورسٹی کا درجہ دیا جائے گا۔

اسکول کے قیام کے لیے ایلون مسک نے اپنی فاؤنڈیشن کو 100 ملین ڈالر عطیہ کیے ہیں اور یہ ان کے ٹیکس گوشواروں سے ثابت ہوا ہے۔ ایلون مسک جلد ہی اپنے نئے پروجیکٹ کے بارے میں آگاہ کریں گے۔