ایران دباؤ میں نہیں جھکے گا، صدر مسعود پزشکیان
ایران کے صدر مسعود پزشکیان نے کہا ہے کہ ان کا ملک دباؤ کے تحت کسی بھی قسم کی پسپائی اختیار نہیں کرے گا اور قومی خودمختاری پر سمجھوتہ نہیں کیا جائے گا۔
ایک بیان میں صدر پزشکیان کا کہنا تھا کہ ایران اور امریکا کے درمیان اعتماد کی کمی کی بنیادی وجہ ماضی کے تلخ تجربات اور تاریخی بداعتمادی ہے۔ انہوں نے کہا کہ امریکی حکام کی طرف سے متضاد اور غیر تعمیری بیانات کسی مثبت پیش رفت کے لیے سازگار ماحول پیدا نہیں کرتے۔
انہوں نے مزید کہا کہ بامعنی مذاکرات اسی وقت ممکن ہیں جب فریقین اپنے وعدوں اور معاہدوں کی پاسداری کریں۔ صدر پزشکیان کے مطابق ایران پر دباؤ ڈالنے یا اسے “سرینڈر” پر مجبور کرنے کی کوششیں کامیاب نہیں ہوں گی کیونکہ ایرانی قوم اپنی خودمختاری اور اصولوں پر سمجھوتہ نہیں کرتی۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔