امریکی صدر ڈونلڈ ٹرمپ کی جانب سے ایران کی تجاویز مسترد کیے جانے اور آبنائے ہرمز کی صورتحال سے متعلق غیر یقینی خدشات کے باعث عالمی منڈی میں خام تیل کی قیمتوں میں نمایاں اضافہ ریکارڈ کیا گیا ہے۔
بین الاقوامی رپورٹس کے مطابق خام تیل کی قیمتوں میں 3 فیصد سے زائد اضافہ ہوا، جس کے بعد برینٹ خام تیل 104 ڈالر فی بیرل جبکہ ویسٹ ٹیکساس انٹرمیڈیٹ (WTI) خام تیل 99 ڈالر فی بیرل تک پہنچ گیا۔
تیل کی عالمی منڈی پر نظر رکھنے والے اداروں کے مطابق خطے میں کشیدگی بڑھنے کے بعد سے برینٹ خام تیل کی قیمت میں تقریباً 20 ڈالر فی بیرل اضافہ ہو چکا ہے۔
دوسری جانب امریکی صدر ڈونلڈ ٹرمپ نے ایران کی جانب سے جنگ بندی سے متعلق امریکی تجویز پر دیے گئے ردعمل کو مسترد کر دیا ہے۔
صدر ٹرمپ نے اپنے سوشل میڈیا پلیٹ فارم پر جاری بیان میں کہا کہ ایران کے نمائندوں کی جانب سے موصول ہونے والا جواب ناقابل قبول ہے اور وہ اس سے مطمئن نہیں ہیں۔
ماہرین کے مطابق مشرق وسطیٰ میں بڑھتی ہوئی کشیدگی اور آبنائے ہرمز کی ممکنہ بندش کے خدشات عالمی توانائی منڈیوں پر دباؤ بڑھا رہے ہیں، جس کے باعث تیل کی قیمتوں میں اتار چڑھاؤ جاری رہ سکتا ہے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔