آئی پی ایل 2026: جسپریت بمراہ کے لیے مشکل سیزن، اعداد و شمار نے سب کو حیران کر دیا

آئی پی ایل 2026 کا سیزن بھارت کے معروف فاسٹ بولر جسپریت بمراہ کے لیے توقعات کے برعکس ثابت ہوا، جہاں وہ اپنی روایتی کارکردگی برقرار نہ رکھ سکے اور کئی حوالوں سے مشکلات کا سامنا کرنا پڑا۔
ممبئی انڈینز کی جانب سے کھیلتے ہوئے بمراہ نے اس سیزن میں 13 میچوں میں حصہ لیا، تاہم اس دوران وہ وکٹیں حاصل کرنے میں زیادہ کامیاب نہ ہو سکے۔ مجموعی طور پر انہوں نے 294 رنز دیے اور صرف 4 بلے بازوں کو آؤٹ کیا۔
اعداد و شمار کے مطابق وہ کسی بھی میچ میں ایک سے زیادہ وکٹ لینے میں ناکام رہے، جس کے باعث ان کی وکٹیں لینے کی اوسط بھی متاثر ہوئی۔ یہ کارکردگی ان کے کیریئر کے پچھلے سیزنز کے مقابلے میں غیر معمولی طور پر کمزور قرار دی جا رہی ہے۔
ماہرین کا کہنا ہے کہ اس صورتحال میں ایک اہم پہلو یہ بھی تھا کہ ٹیم کے دیگر بولرز مہنگے ثابت ہوئے، جس کے باعث مخالف ٹیموں نے بمراہ کے اوورز میں زیادہ رسک لینے کے بجائے محتاط انداز اپنایا۔
یوں بلے بازوں نے ان کے خلاف جارحانہ کھیلنے کے بجائے دفاعی حکمت عملی اختیار کی، جس کی وجہ سے انہیں وکٹیں لینے کے کم مواقع ملے۔ تاہم اس کے باوجود وہ کئی مواقع پر رنز کی رفتار کو قابو میں رکھنے کی کوشش کرتے رہے۔