چینی کی قیمتوں میں کمی ،بال عدلیہ کی کورٹ میں

لاہور: ( ہاٹ لائن نیوز) لاہور ہائیکورٹ میں چینی کی قیمتوں سے متعلق دائر درخواستوں کو سماعت کے لیے مقرر جسٹس شجاعت علی خان کی سربراہی میں دو رکنی بینچ 20 ستمبر کو درخواستوں پر سماعت کریگا ۔

رجسٹرار آفس نے چینی کی قیمتوں سے دائر مختلف نوعیت کی درخواستوں پر سماعت کےلیے مقرر کردیا ہے ، جسٹس شجاعت علی خان کی سربراہی میں دو رکنی بینچ 20 ستمبر کو درخواستوں پر سماعت کریگا ۔

ہائیکورٹ میں مختلف شوگر ملز نے درخواستیں دائر کررکھی ہیں جبکہ پنجاب حکومت نے چینی کی قیمت مقرر کرنے سے متعلق جاری حکم امتناع کے خلاف انٹر کورٹ اپیل دائر کر رکھی ہے ، سپریم کورٹ نے 30 دنوں میں چینی کی قیمتوں سے متعلق درخواستوں پر فیصلہ کرنے کا حکم دے رکھا ہے۔