ملک بھر میں میٹرک کی سطح پر تعلیم کے دائرہ کار کو وسعت دینے کے لیے دو نئے تعلیمی گروپس متعارف کرانے کی تجویز زیر غور ہے۔ ان گروپس میں ٹیکنیکل اور زراعت سے متعلق مضامین شامل کیے جانے کی سفارش کی گئی ہے۔
اس حوالے سے انٹر بورڈ کوآرڈینیشن کمیٹی (آئی بی سی سی) نے ایک مشاورتی اجلاس طلب کیا ہے جس میں مضامین کی گروہ بندی، اعلیٰ تعلیم کے متبادل تعلیمی راستوں اور مساوات سے متعلق امور کا جائزہ لیا جائے گا۔
آئی بی سی سی کا یہ اجلاس 23 دسمبر کو اسلام آباد میں منعقد ہوگا، جس میں انٹرمیڈیٹ کی سطح پر پری میڈیکل اور پری انجینئرنگ گروپس میں داخلے کی اہلیت پر بھی غور کیا جائے گا۔
اجلاس میں میٹرک کی سطح پر متبادل مضامین کی مساوات، غیر ملکی تعلیمی اسناد کی مساوات اور جنرل و ووکیشنل ٹریننگ سے متعلق امور پر بھی مشاورت متوقع ہے۔ اس کے علاوہ میٹرک ٹیکنیکل اور زراعت کے طلبہ کے لیے میڈیکل اور انجینئرنگ شعبوں میں داخلے کے امکانات پر بھی تبادلہ خیال کیا جائے گا۔
مزید برآں، تعلیمی اصلاحات کو مؤثر بنانے کے لیے ایک قومی سطح کے ورکنگ گروپ کے قیام کی تجویز بھی اجلاس کے ایجنڈے میں شامل ہے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔