خاموش قاتل پھر متحرک! ٹی بی نے دنیا کو نئی تشویش میں مبتلا کر دیا

ماہرین صحت نے خبردار کیا ہے کہ تپِ دق (ٹی بی) ایک سنگین متعدی بیماری ہے جس کے خاتمے کے لیے دنیا بھر میں مؤثر اقدامات کی ضرورت ہے۔ ان کا کہنا ہے کہ صرف بیماری کو قابو کرنے کے بجائے عالمی سطح پر ٹی بی کے مکمل خاتمے کے لیے کوششیں تیز کرنا ہوں گی۔
بنکاک میں منعقدہ ایک عالمی طبی کانفرنس کے دوران مختلف ممالک سے تعلق رکھنے والے ماہرین نے ٹی بی کے بڑھتے ہوئے چیلنجز، اس کی روک تھام اور علاج کے حوالے سے تبادلہ خیال کیا۔
ماہرین کے مطابق ٹی بی ایک ایسی بیماری ہے جو متاثرہ شخص سے دوسرے افراد تک منتقل ہو سکتی ہے، جبکہ کئی مریضوں میں اس کی علامات کافی عرصے تک واضح نہیں ہوتیں، جس کی وجہ سے بیماری کی تشخیص میں تاخیر ہو سکتی ہے۔
طبی ماہرین نے کہا کہ بدلتے ہوئے ماحولیاتی حالات اور عالمی سطح پر صحت کے نئے چیلنجز کے دوران پرانی بیماریوں کے خاتمے پر بھی توجہ دینا ضروری ہے۔ انہوں نے زور دیا کہ بروقت تشخیص، مکمل علاج اور عوامی آگاہی کے ذریعے ٹی بی کے پھیلاؤ کو روکا جا سکتا ہے۔
کانفرنس میں مختلف ممالک کے ماہرین نے ٹی بی کے خلاف عالمی تعاون بڑھانے اور جدید طریقہ علاج و تحقیق کو فروغ دینے پر بھی زور دیا۔