خیبر پختونخوا کے ضلع بونیر سے تعلق رکھنے والے ایک نوجوان نے سی ایس ایس 2025 کے امتحان میں نمایاں کامیابی حاصل کر کے نئی مثال قائم کر دی۔
نوجوان حضرت بلال، جو ڈپٹی کمشنر آفس بونیر میں نائب قاصد کے طور پر کام کرنے والے پیر محمد کے بیٹے ہیں، نے ملک کے مشکل ترین مقابلہ جاتی امتحان میں شاندار کارکردگی دکھاتے ہوئے خیبر پختونخوا میں پہلی اور ملک بھر میں 18ویں پوزیشن حاصل کی۔
پیر محمد کے مطابق، ان کے بیٹے نے محدود وسائل کے باوجود محنت، عزم اور مستقل مزاجی کے ذریعے یہ کامیابی حاصل کی۔ انہوں نے کہا کہ تعلیم پر توجہ اور مسلسل کوشش ہی کامیابی کی بنیاد ہے۔
حضرت بلال نے اسلامیہ کالج یونیورسٹی پشاور سے بی ایس انگلش کی ڈگری حاصل کی۔ ان کی کامیابی پر نہ صرف ان کا خاندان بلکہ پورا علاقہ خوشی اور فخر کا اظہار کر رہا ہے، جبکہ مختلف سماجی حلقوں کی جانب سے مبارکبادوں کا سلسلہ بھی جاری ہے۔
یہ کامیابی خاص طور پر کم وسائل رکھنے والے نوجوانوں کے لیے ایک امید افزا مثال کے طور پر دیکھی جا رہی ہے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔