2021 میں کھلنے والا کازنگولا برج سیاحوں کی توجہ کا مرکز

افریقی ملک زیمبیا میں دریائے زیمبیزی پر واقع کازنگولا برج اپنی تعمیر سے زیادہ اپنی جغرافیائی اہمیت کی وجہ سے دنیا بھر میں پہچانا جاتا ہے۔ یہ برج زیمبیا اور بوٹسوانا کو آپس میں جوڑتا ہے اور مئی 2021 میں اسے عوامی آمد و رفت کے لیے کھولا گیا۔
تقریباً 3028 فٹ طویل اور 61.7 فٹ چوڑا یہ پل دو لینز پر مشتمل ہے، جبکہ اس میں ایک ریلوے ٹریک اور پیدل چلنے والوں کے لیے راستہ بھی شامل ہے۔
اس مقام کی سب سے حیران کن بات یہ ہے کہ اگرچہ پل براہِ راست صرف زیمبیا اور بوٹسوانا کو ملاتا ہے، تاہم اس کے آس پاس نمیبیا اور زمبابوے کی سرحدیں بھی انتہائی قریب واقع ہیں۔ اس وجہ سے یہاں ایک ایسا نادر جغرافیائی منظر بنتا ہے جہاں بیک وقت چار ممالک کا سرحدی علاقہ محسوس کیا جا سکتا ہے۔
ماہرین کے مطابق یہ دنیا کے ان چند علاقوں میں سے ایک ہے جہاں چار مختلف ممالک کی سرحدیں ایک دوسرے کے قریب ترین فاصلے پر آتی ہیں، جو اسے جغرافیائی لحاظ سے ایک غیر معمولی مقام بناتا ہے۔