پاکستان سپر لیگ (پی ایس ایل) 2026 کا پہلا میچ لاہور کے قذافی اسٹیڈیم میں منعقد ہوا، جو ایک غیر معمولی واقعے کے ساتھ یادگار بن گیا۔ میچ کے دوران سفید گیند اچانک گلابی مائل نظر آنے لگی، جس نے کھلاڑیوں اور شائقین دونوں کو حیران کر دیا۔
لاہور قلندرز کی قیادت شاہین آفریدی کے ہاتھ میں تھی، جنہوں نے حیدرآباد کنگز کو پہلے میچ میں 69 رنز سے شکست دی۔ لاہور قلندرز نے مقررہ 20 اوورز میں 199 رنز بنائے، جس میں فخر زمان 53 رنز کے ساتھ نمایاں رہے اور انہیں ’مین آف دی میچ‘ کا اعزاز دیا گیا۔ حیدرآباد کی ٹیم 130 رنز پر آوٹ ہو گئی۔
میچ کے دوران گیند کے رنگ بدلنے کے بعد امپائرز کو اسے تبدیل کرنا پڑا۔ سوشل میڈیا پر اس کی مختلف وجوہات پر بحث کی جا رہی ہے۔ کچھ صارفین کے مطابق حیدرآباد کی ٹیم کی جرسی کا رنگ گیند پر منتقل ہوا، جبکہ ماہرین کا خیال ہے کہ اوس یا نمی بھی اس کی وجہ ہو سکتی ہے۔
عام طور پر کھلاڑی گیند کو اپنی جرسی یا تولیے سے پالش کرتے ہیں تاکہ گیند کی چمک اور بولنگ کی کارکردگی برقرار رہے، لیکن اس واقعے نے لیگ کی انتظامیہ پر سوالات اٹھا دیے اور سوشل میڈیا پر کافی دلچسپی پیدا کر دی۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔