جدہ میں یومِ پاکستان کی ایک تقریب سے خطاب کرتے ہوئے وفاقی وزیر منصوبہ بندی احسن اقبال نے کہا ہے کہ فیلڈ مارشل عاصم منیر ملکی سرحدوں کے دفاع کے لیے بھرپور عسکری صلاحیت کے ساتھ ذمہ داریاں انجام دے رہے ہیں۔
انہوں نے دعویٰ کیا کہ حالیہ معرکہ حق میں پاکستان نے دشمن کے 11 طیارے مار گرائے۔
احسن اقبال کے مطابق پاک فوج مؤثر حکمت عملی کے تحت سرحدوں کی حفاظت کر رہی ہے اور دشمن کے عزائم کو ناکام بنایا جا رہا ہے۔
ان کا کہنا تھا کہ ملک کے دفاع کے لیے پاکستانی جوان اپنی جانوں کی قربانیاں دے رہے ہیں جو پوری قوم کے لیے قابلِ فخر ہے۔
انہوں نے مزید کہا کہ وزیراعظم شہباز شریف کی قیادت میں “اُڑان پاکستان” کے ایجنڈے پر دوبارہ پیش رفت شروع ہو چکی ہے جبکہ بیرونِ ملک مقیم پاکستانی بھی ملک کی ترقی میں بھرپور کردار ادا کر رہے ہیں۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔