ملک بھر میں شوال کا چاند دیکھنے کے لیے مرکزی اور زونل رویت ہلال کمیٹیوں کے اجلاس آج طلب کیے گئے ہیں۔ ماہرین فلکیات کے مطابق چاند نظر آنے کے امکانات کم ہیں، جس کے باعث عیدالفطر 21 مارچ کو ہونے کا امکان ظاہر کیا جا رہا ہے۔
اسلام آباد میں مرکزی رویت ہلال کمیٹی کا اجلاس وزارت مذہبی امور کے کوہسار بلاک میں ہوگا، جس کی صدارت چیئرمین مولانا عبدالخبیر آزاد کریں گے۔ اجلاس میں ملک بھر سے موصول ہونے والی شہادتوں کا جائزہ لے کر شوال کے چاند سے متعلق فیصلہ کیا جائے گا۔
اسی طرح پشاور، لاہور، کراچی اور کوئٹہ میں بھی زونل رویت ہلال کمیٹیوں کے اجلاس منعقد ہوں گے۔ کراچی میں اجلاس محکمہ موسمیات کے دفتر میں ہوگا، جہاں متعلقہ اراکین کے ساتھ محکمہ موسمیات اور دیگر اداروں کے حکام بھی شریک ہوں گے۔
اسپارکو کی پیش گوئی کے مطابق چاند کی رویت کے امکانات نہایت کم ہیں، تاہم حتمی اعلان مرکزی رویت ہلال کمیٹی کی جانب سے کیا جائے گا۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔