بالی وڈ اداکار سنجے دت اور نورا فتیحی کا نیا گانا تنازع کا شکار ہوگیا ہے۔
بھارتی میڈیا کے مطابق، سنجے دت کی فلم ‘کے ڈی: دی ڈیول’ کا گانا ‘سرکے چونر تیری سرکے’ یوٹیوب پر ریلیز ہونے کے بعد تنقید کی زد میں آگیا۔
رپورٹس کے مطابق، وکیل ونیت جندال نے سینٹرل بورڈ آف فلم سرٹیفکیشن (CBFC) میں گانے کے خلاف شکایت درج کروائی ہے اور فوری قانونی کارروائی کی درخواست کی ہے۔ ساتھ ہی وزارت اطلاعات و نشریات کو بھی اس بارے میں آگاہ کیا گیا ہے۔
شکایت میں کہا گیا ہے کہ گانے کے کچھ بول عوامی استعمال کے لیے نامناسب اور قابل اعتراض ہیں، اور فلم میں فحاشی کے مناظر بھی شامل ہیں۔ وکیل کا کہنا ہے کہ یہ مواد کم عمر بچوں اور نوجوانوں کے لیے غیر موزوں ہے، اس لیے گانے پر فوری پابندی عائد کی جائے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔