لاہور: پنجاب حکومت نے ضرورت مند خاندانوں کے لیے خصوصی مالی امداد پروگرام ’’مریم کو بتائیں ہیلپ لائن 1000‘‘ کا آغاز یکم رمضان المبارک سے کرنے کا اعلان کیا ہے۔
وزیراعلیٰ پنجاب مریم نواز نے بتایا کہ مالی مشکلات میں مبتلا افراد 24 گھنٹے کے اندر 10 ہزار روپے تک کی امداد حاصل کر سکیں گے۔ درخواست دہندگان ویب پورٹل یا موبائل ایپ کے ذریعے اپنے شناختی کارڈ نمبر درج کر کے امداد کے اہل ہو سکتے ہیں۔
پروگرام میں شفافیت کے لیے لائیو ٹریکنگ سسٹم اور مکمل ڈیجیٹل ریکارڈنگ کے انتظامات کیے گئے ہیں تاکہ ہر درخواست کی بروقت جانچ پڑتال کے بعد مالی مدد فراہم کی جا سکے۔ رجسٹرڈ درخواست گزاروں کی رقم 24 گھنٹے کے اندر ان کے بینک اکاؤنٹ میں منتقل کر دی جائے گی۔
حکومت نے اس بات کو یقینی بنایا ہے کہ رمضان المبارک میں ہر ضرورت مند کو حکومتی وسائل تک آسان رسائی حاصل ہو۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔