“آئی فون سست چارجنگ؟ کمپنی نےخودبتادی وجہ اور حل!”

اگر آپ کا آئی فون معمول سے زیادہ وقت میں چارج ہو رہا ہے تو اس کی وجہ ضروری نہیں کہ کسی خرابی کو قرار دیا جائے۔ درحقیقت یہ مسئلہ ایک ایسے فیچر کے باعث بھی ہو سکتا ہے جو کمپنی نے توانائی کے مؤثر استعمال کے لیے متعارف کرایا تھا۔
ٹیکنالوجی کمپنی Apple Inc. نے اکتوبر 2022 میں iOS 16.1 کے ساتھ “کلین انرجی چارجنگ” نامی فیچر متعارف کرایا۔ اس کا مقصد آئی فون چارج کرتے وقت بجلی کے استعمال کو زیادہ ماحول دوست بنانا ہے تاکہ کاربن کے اخراج میں کمی لائی جا سکے۔
یہ فیچر اس وقت فون کو چارج کرتا ہے جب مقامی بجلی کے گرڈ میں کاربن کے اخراج کی شرح کم ہو۔ جب صارف فون کو چارجر سے منسلک کرتا ہے تو سسٹم مقامی توانائی کے ذرائع سے متعلق پیشگوئی حاصل کرتا ہے اور اسی بنیاد پر چارجنگ کے اوقات کا تعین کرتا ہے۔ اسی وجہ سے بعض اوقات فون کی چارجنگ سست محسوس ہوتی ہے یا مکمل چارج ہونے میں زیادہ وقت لگتا ہے۔
یہ سہولت عام طور پر ان مقامات پر فعال ہوتی ہے جہاں صارف زیادہ وقت گزارتا ہے، جیسے گھر یا دفتر، اور جہاں فون کو طویل عرصے کے لیے چارج کیا جاتا ہے۔ نئی یا غیر مانوس جگہوں پر یہ فیچر عموماً کام نہیں کرتا۔
اگر صارف سست چارجنگ سے پریشان ہوں تو وہ اس فیچر کو بند بھی کر سکتے ہیں۔ اس کے لیے سیٹنگز میں جا کر بیٹری کے آپشن پر کلک کریں، پھر “بیٹری ہیلتھ اینڈ چارجنگ” میں جا کر “کلین انرجی چارجنگ” کا آپشن بند کیا جا سکتا ہے۔
یہ یاد رکھنا ضروری ہے کہ یہ فیچر ماحولیاتی بہتری کے پیش نظر متعارف کرایا گیا تھا، تاہم ضرورت کے مطابق اسے غیر فعال کرنا بھی ممکن ہے۔