پاکستان میں سولر انرجی کے شعبے میں اہم پیش رفت ہوئی ہے، جہاں پہلی بار سولر پینلز کی خصوصی ٹیسٹنگ لیبارٹری قائم کر دی گئی ہے۔ یہ جدید سہولت وزارتِ سائنس و ٹیکنالوجی اور کوریا انٹرنیشنل کوآپریشن ایجنسی کے اشتراک سے تیار کی گئی ہے۔
منصوبے کے لیے جنوبی کوریا کی جانب سے 9.5 ملین ڈالر کی گرانٹ فراہم کی گئی، جب کہ پاکستان کے پبلک سیکٹر ڈویلپمنٹ پروگرام کے تحت 185.8 ملین روپے کے اضافی فنڈز بھی شامل کیے گئے۔ جدید آلات سے لیس یہ لیبارٹری بین الاقوامی معیار کے مطابق کام کرے گی، جس کے بعد ملک میں درآمدی اور مقامی سولر پینلز کی معیاری جانچ ممکن ہو سکے گی۔
افتتاحی تقریب میں کوریا انٹرنیشنل کوآپریشن ایجنسی کے صدر چانگ وون سیم اور جنوبی کوریا کے سفیر پارک جے لارک نے شرکت کی۔ حکام کے مطابق اس منصوبے سے نہ صرف مقامی سولر انڈسٹری کو مضبوطی ملے گی بلکہ قابلِ تجدید توانائی کے فروغ میں بھی تیزی آئے گی۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔