ڈیرہ بگٹی میں بی آر اے (براہمداغ بگٹی گروپ) کے اہم کمانڈر وڈیرہ نور علی چاکرانی نے اپنے ایک سو سے زائد ساتھیوں کے ہمراہ ریاست کے سامنے ہتھیار ڈال دیے۔ یہ اقدام پاکستان ہاؤس سوئی میں عمل میں آیا، جہاں تمام افراد نے امن کے راستے پر چلنے اور پاکستان سے وفاداری کا حلف اٹھایا۔
سرکاری ذرائع کے مطابق نور علی چاکرانی تنظیم کے نمایاں کمانڈروں میں شمار ہوتے تھے، اور ان کا سرینڈر علاقائی امن و استحکام کے لیے ایک اہم پیشرفت قرار دیا جا رہا ہے۔ حلف برداری کی تقریب میر آفتاب بگٹی کی موجودگی میں منعقد ہوئی، جس کے دوران ریاستی رٹ کو تسلیم کرنے کا اعادہ کیا گیا۔
حکام کے مطابق ہتھیار ڈالنے والوں کی قومی دھارے میں واپسی کے اقدامات جلد شروع کیے جائیں گے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔