سال بھر کی بارش صرف 24 گھنٹوں میں

سال بھر کی بارش صرف 24 گھنٹوں میں

چین کے دارلحکومت بیجنگ کے علاقے باوڈنگ میں چوبیس گھنٹوں کے دوران سال جتنی بارش ریکارڈ کی گئی ہے، محکمہ موسمیات کا کہنا ہے کہ باؤڈنگ کے ضلع یی کاؤنٹی میں 447.4 ملی میٹر بارش ریکارڈ کی گئی ہے، یہ بارش سالانہ اوسط بارش 5 سو ملی میٹر کے برابر ہے، کئی علاقوں میں پل، سڑکیں اور دیگر انفرااسٹرکچر زیر آب آ گئے ہیں۔

جبکہ ہزاروں لوگوں کو محفوظ مقامات پر منتقل کر دیا گیا ہے، چائنا میٹرو لوجیکل ایڈمنسٹریشن کا کہنا ہے کہ اب تک 6171 گھروں سے 19,453 لوگوں کو نکالا گیا ہے، ماہرین موسمیات کا کہنا ہے کہ 2020 کے بعد بارشوں کی مقدار میں مسلسل اضافہ ہو رہا ہے، جو چین کے موسم میں واضح تبدیلی کی علامت ہے۔