زائرین کے لیے پاک ایران بارڈر 24 گھنٹے کھلا رکھنے کا فیصلہ
پاکستان کے وزیر داخلہ کی ایرانی وزیر داخلہ سے تہران میں ہونے والی ملاقات میں اہم فیصلے کئے گئے ہیں، زائرین کے لیے پاک ایران بارڈر چوبیس گھنٹے کھلا رکھنے کا فیصلہ کیا گیا ہے، ایرانی وزیر داخلہ نے کہا کہ پانچ ہزار پاکستانی زائرین کو ایرانی حکومت قیام و طعام کی سہولتیں دے گی، ایرانی حکومت زائرین کے لئے بارڈر سے عراق تک خصوصی انتظامات بھی کرے گی، ملاقات میں زائرین کی سہولت اور دیگر مسائل کے فوری حل کے لئے ہاٹ لائن کے قیام کا فیصلہ ہوا۔
مشہد میں پاکستانی زائرین سے متعلق پاک، ایران اور عراقی وزارت داخلہ کی سہ ملکی کانفرنس کا بھی فیصلہ ہوا، زائرین کی سکیورٹی کے لئے پروازوں کی تعداد بڑھانے پر بھی اتفاق رائے کیا گیا، اس حوالے سے لائحہ عمل جلد مرتب کرنے کا فیصلہ کیا گیا ہے، محسن نقوی اور اسکندر مومنی میں بحری راستے سے زائرین کو ایران اور عراق بھجوانے پر گفتگو ہوئی۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔