سندھ طاس معاہدہ معطل کرنا جنگ کے مترادف ہے
ترجمان دفتر خارجہ شفقت خان نے میڈیا بریفنگ کے دورن کہا کہ بھارت نے یکطرفہ طور پر سندھ طاس معاہدے معطل کیا ہے بھارتی رویے سے خطے کے امن کو نقصان کا خدشہ ہے، انہوں نے کہا کہ ہم سندھ طاس معاہدے کی معطلی کو مسترد کرتے ہیں، سندھ طاس معاہدہ عالمی بینک کی ثالثی میں ہوا تھا جسے بھارت معطل نہیں کر سکتا، انہوں نے کہا کہ یہ اقدام جنگ کے مترادف ہے۔
ترجمان دفتر خارجہ کا کہنا تھا کہ واہگہ بارڈر ہر قسم کی آمدورفت کے لیے بند کر دی گئی ہے، سارک اسکیم کے مطابق بھارتیوں کے تمام ویزے منسوخ کیے گئے ہیں، سکھ یاتری ویزہ معطلی سے استثنیٰ رکھتے ہیں، بھارتی ہائی کمیشن کے عملے کی تعداد کم کر کے تیس کی گئی ہے، پاکستان کی فضائی حدود بھی بھارتی پروازوں کے لیے بند کر دی گئی ہیں، بھارت کے ساتھ تمام تجارتی تعلقات معطل کیے جاتے ہیں پاکستان کی عوام اور مسلح افواج اپنی خود مختاری، سرحدوں اور عوام کے دفاع کے لیے تیار ہیں، کل قومی سلامتی کمیٹی کے اہم اجلاس میں پاکستانی قیادت نے بھارت کو جواب دیا ہے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔