اس وقت ملک میں قانون و آئین کا فقدان ہے ؛ عمر ایوب

ہاٹ لائن نیوز : قومی اسمبلی میں قائد حزب اختلاف عمر ایوب نے کہا ہے کہ کمیٹی کی عمران خان تک رسائی حکومت کی سنجیدگی کا تعین کریگی۔

رہنما پاکستان تحریک انصاف عمر ایوب نے کہا کہ پی ٹی آئی اور حکومت کے درمیان 2 جنوری تک دوسری ملاقات ہوگی، ملاقات سے قبل عمران خان سے ملاقات کی کوشش کرینگے۔

عمر ایوب کا کہنا تھا کہ کمیٹی کی عمران خان تک رسائی حکومت کی سنجیدگی کا تعین کریگی، حکومت نے بہانہ کیا یا منع کیا تو ان کی نیتیں ٹھٹھر جائیں گی، پی ٹی آئی کمیٹی کا کردار صرف ایلچی کا ہے۔

اپوزیشن لیڈر کا کہنا تھا کہ ہم نے حکومت کو اپنے مطالبات سے آگاہ کیا تھا، عمران خان کی رہائی اور کارکنوں کی رہائی ہمارے مطالبات ہیں، ہمارا کام عمران خان کا پیغام حکومت کے سامنے رکھنا ہے، 9 مئی کو بھی ہم پر ظلم ہوا۔

ان کا مزید کہنا تھا کہ ملکی معیشت میں کوئی بہتری نظر نہیں آرہی، اس وقت ملک میں قانون اور آئین کا فقدان ہے۔