طوفانی بارشیں ؛ تاج محل کی چھت ٹپکنے لگی
ہاٹ لائن نیوز : بھارتی شہر آگرہ میں تین روز سے جاری بارش کے باعث تاج محل کی چھت ٹپکنے لگی۔
بارش کے باعث مشہور تاریخی مقام تاج محل کی چھت سے پانی رسنا شروع ہوگیا ہے جب کہ تاج محل سے ملحقہ باغ میں بارش کا پانی جمع ہوگیا ہے۔
آرکیالوجیکل سروے آف انڈیا کےافسر نے تصدیق کی ہےکہ تاج محل کے مرکزی گنبد سے3دن کی مسلسل بارش کیوجہ سے پانی بہہ رہا ہے تاہم گنبد کوکوئی نقصان نہیں پہنچا۔
انہوں نے کہا کہ تاج محل کے متاثرہ گنبد کا ڈرون کیمروں سے جائزہ لیا گیا ہے، گنبد کو کوئی نقصان نہیں پہنچا۔
بھارتی میڈیا کے مطابق بارش رکنے کے ساتھ ہی مقبرے کی فوری مرمت اور باغ سے پانی نکالنے کا کام کیاجائیگا۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔