ہاٹ لائن نیوز : کراچی کے علاقے موچھ گوٹھ میں ڈاکوؤں کی فائرنگ سے ایک مزدور جاں بحق ہوگیا جس کے بعد رواں سال کراچی میں ڈاکوؤں کے ہاتھوں قتل ہونیوالے شہریوں کی تعداد 77 ہوگئی۔
پولیس کے مطابق مقتول کی شناخت محمد سرورولد محمد انور کے نام سے ہوئی ہے، واقعہ موچھ موڑ مل کے قریب پیش آیا، ابتدائی طور پر واقعہ ڈکیتی سے متعلق قتل معلوم ہوتا ہے۔
پولیس کے مطابق مقتول کی جیب سے صرف ایک ہینڈ فری برآمد ہوا، محمد سرور کو سر میں گولی لگی جو جان لیوا ثابت ہوئی۔ اس دوران واقعے کی سی سی ٹی وی فوٹیج سامنے آگئی۔
فوٹیج میں موٹر سائیکل پر سوار 2 ملزمان کو دیکھا جا سکتا ہے، ملزمان سڑک پر بیٹھے ایک شخص سے موبائل فون چھین لیتے ہیں اور موبائل فون چھینتے ہوئے مقتول کے سر میں گولی مار کر فرار ہو جاتے ہیں۔
پولیس کے مطابق متوفی محنت کش اور سعید آباد کا رہائشی تھا۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔