اسلام آباد: ملک بھر میں سرکاری رہائش گاہوں میں مقیم 7 ہزار 973 وفاقی ملازمین کی جانب سے کرایوں کی عدم ادائیگی کا انکشاف ہوا ہے۔
ذرائع کے مطابق کراچی میں سب سے زیادہ 5 ہزار 317 ملازمین کرایوں کی ادائیگی میں نادہندہ ہیں، جو مجموعی تعداد کا 74.26 فیصد بنتے ہیں۔
اعداد و شمار کے مطابق اسلام آباد میں 2 ہزار 169، لاہور میں 404، پشاور میں 57 جبکہ کوئٹہ میں 26 وفاقی ملازمین نے سرکاری رہائش گاہوں کے کرائے ادا نہیں کیے۔
ذرائع کا کہنا ہے کہ اسٹیٹ آفس نے کرایوں کی عدم ادائیگی پر متعلقہ ملازمین کے خلاف کارروائی کا فیصلہ کیا ہے، جس کے تحت نادہندہ ملازمین کو نوٹس جاری کر دیے گئے ہیں۔
حکام کی جانب سے یہ بھی فیصلہ کیا گیا ہے کہ مقررہ مدت میں واجبات ادا نہ کرنے والے ملازمین کی سرکاری رہائش گاہوں کی الاٹمنٹ منسوخ کی جا سکتی ہے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔