پاکستانی آل راؤنڈر شاداب خان نے انگلینڈ کے خلاف شاندار بیٹنگ کرتے ہوئے نہ صرف اپنی پہلی ون ڈے سنچری اسکور کی بلکہ ٹیم کو یقینی شکست سے بھی بچا لیا۔
قذافی اسٹیڈیم لاہور میں کھیلے گئے سہ ملکی سیریز کے چوتھے میچ میں انگلینڈ نے پہلے بیٹنگ کرتے ہوئے 241 رنز بنائے اور پاکستان کو 242 رنز کا ہدف دیا۔ جواب میں پاکستانی ٹیم 154 رنز پر 9 وکٹیں کھو بیٹھی اور فتح دور دکھائی دینے لگی۔
اس مشکل موقع پر شاداب خان نے ذمہ داری سنبھالی اور 96 گیندوں پر ناقابلِ شکست 113 رنز بنا ڈالے۔ ان کی اننگز میں 13 چوکے اور 5 چھکے شامل تھے۔ دوسری جانب حارث رؤف نے بھی بھرپور ساتھ دیتے ہوئے اہم رنز بنائے۔
دونوں کھلاڑیوں نے آخری وکٹ پر 89 رنز کی ناقابلِ شکست شراکت قائم کرکے پاکستان کو فتح دلائی۔ یہ مردوں کی ون ڈے کرکٹ میں کامیاب ہدف کے تعاقب کے دوران 10ویں وکٹ کی سب سےبڑی شراکت ہے۔
اس کامیابی کے ساتھ پاکستان نے سہ ملکی سیریز کے فائنل میں جگہ بنا لی، جبکہ شاداب نے ون ڈے کرکٹ میں ایک ہزار رنز بھی مکمل کر لیے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔